منتجع سيجل بيتش ريزورت بالغردقة الخدمه ممتازه ومحترمين جدا وشاطئ رائع والطعام والشراب جيدين جدا والغرف جميله يستاهل 5نجوم وانصح اي حد بيه.
منتجع سيجل بيتش ريزورت بالغردقة
مميزات المنتجع:
- الفنادق اللي ف وسط البلد ف الغردقة وف احسن مكان هناك تقريباً وحواليكم كل حاجة والفندق نفسه لطيف جداً والأكل معقول وطعمه حلو وف مطعم ع البحر و معاه مطعم صيني ومطعم ف الجزء الجديد للفندق والمطعم الرئيسي ، الاكل مختلف ف كل مطعم فيهم بس ف العموم حلو ، البحر رملي وتحفة اوووووي وحمامات السباحة علطول بتتنضف وتتعقم واللايف جارد شايفين شغلهم كويس وف اكوا بارك جميلة للأطفال و٣ ألعاب كبار ، الفندق زحمه وعليه ضغط فبيبقى التسكين ٢ الميعاد الرسمي ، ربنا رزقنا بمستر محمد المسؤول عن نضافة الغرفة “5401” والحقيقة انسان ف منتهى الأمانة والنضافه ولقي فلوس واقعه مننا وحطهالنا امام المرايا وكنا بنطلع نلاقي كل حاجة زي الفل من غير ما يستنى حاجة مننا وشوفناه بالصدفه اخر يوم إقامة، واللوندري هناك اسعارهم كويسة جداً والخدمة سريعه ، تجربتي ع المستوى العام ممتازة واحب اكررها كتير
- موقع الفندق ممتاز الموظفين في غايه الاحترام والذوق و في الخدمه دائما و بشوشين ومتعاونين يوجد أكوا بارك للاطفال وعده مسابح يتم اغلاقهم الساعه الخامسه تقريبا النظافه ممتازه يوجد مسرح يقدم فقرات مختلفه كل ليله الساعه التاسعه والنصف الشاطي جميل جدا البوفيه جيد جدا وإطباق متنوعه
-
فندق سيجال من الفنادق المحترمه الموجوده في وسط البلد التي تتمتع بمناظر خلابه ويوجد عدد كبير من حمامات السباحه الا أنها عميقه للغايه ولا يوجد إلا عدد بسيط. من الحمامات ذات العمق القليل والاكوا لا بأس بها و ترضي الاطفال والأكل طعمه رائع ولكن لا يوجد به تنوع علي الاطلاق وفي النهايه اوصي بتكرار الزياره لأن الفندق يستحق وفريق العمل متعاون ومحترم
- فندق كويس جدا ومستوى كويس بس محتاج ترقية الغرف واهتمام بالمصرين شوية علشان هما هناك مهتمين بالاجانب اكتر ودى حاجة مش حلوة والاصطف نصه كويس ونصه وحش وخلقهم ضيق واسلوبهم يعنى شوية مش لطيف لكن فى البعض كويس طبعا موفع الفندق تحفة طبعا ومستوى كويس بصراحة والبيتش حلو جدا
