من أفضل الفنادق في الغردقة في كل شئ بداية من اجراءات الدخول السريعة والمقابلة الممتازة من موظفي الريسيبشن وخصوصا الأستاذ علي احب اشكره علي ذوقه العالي وحسن استقباله..وأكتر حاجة لاحظتها هي التعامل الراقي والودود من جميع موظفي الفندق فعلا من النادر جدا انك تحس الإحساس ده في أي فندق تاتي….بالنسبة للبوفيه كان علي مستوي عالي جدا من الطعم والتنوع والحرفية وكنا سعداء جدا بوجود الشيف شريف والشيف رفيق علشان نشكرهم علي البوفيه الرائع ومستوي الخدمة العالي من الويترز….
الفندق كل حاجة فيه جميلة ومريحة جدا للنزيل..البحر مميز جدا وهادي ورملي مفيش صخور وقعداته فيها خصوصية مميزة….الأكوابارك مش كبيرة أوي وممتعة أكتر للأطفال ولكن فيه ٣ ألعاب ممتعين للكبار وبحب أشكر مشرف الأكوابارك الأستاذ أحمد علي حسن استقباله وتعامله الراقي