منتجع الياسمين بالاس ريزورت بالغردقة هايل بجد نظافة و نظام و ستاف محترم و خدوم و غرف جميلة و أحواض السباحة جميلة و كتيرة و نظيفة و المعاملة محترمة و البوفيه متنوع و يُرضي جميع الأذواق
منتجع الياسمين بالاس ريزورت بالغردقة
مميزات المنتجع:
- الموقع بين الغردقة و سهل حشيش عشان كده لو جاي مع نفسك عن طريق جو باص او بلو باص هتتعب من التنطيط… عربيتك او مع شركة سياحة هو الحل
المنتجع كبير جدااا يعني لو انت في غرفة بعيدة عن المبنى الرئيسي هاتهضم الأكل وانت راجع من المطعم قبل ما توصل غرفتك
البحر مش رملي ومش حلو … اخرك شوية سنوركلينج اخر النهار وخلاص
مافيش واي فاي مجاني … ب٣٠٠ جنيه في الأسبوع لو حابب
- الفندق عموما نظيف و فخم ومستوى الجستس اللي فيه راقي
الغرف حلوة ونظيفة.. بس مكيف الغرفة الرئيسية ( كنت حاجز فاميلي روم ) عندي عطل وكمان بابها ما كانش بيقفل بيهم جاءو بتوع الصيانة وقالو هاندخل مع الروم سيرفيس ونصلحهم بس ما حصلش وانا طنشت ما كانش عندي وقت اتصل وأعاتب والكلام ده قضيتهانوم في غرفة الولاد.. انا جاي اقضي يومين وخلاص
تنويعة الأكل مش كبيرة بس نظيف والاسطاف بتاع المطعم ناس كويسة جدا ،، تعديل يا جماعة .. الناس دي عملو تشكيلة في العشاء يوم الثلاثاء مالهاش حل .. كفتة وفراخ وكباب حلة وضاني ومهرجان مانجو وتشكيلة حلويات شرقية جامدة دا غير الترمس والفشار للأولاد
مواعيد حمامات السباحة بتبدأ من الساعة ٨ … يعني في الصيف تتشوي من بعد ٨ للساعة ٥ ونصف … والأكوا بارك تبدأ من ٩ !!
- فندق رائع ومتاح فيه كل حاجه ألعاب ترفيهية و مشروبات طول الوقت والغرف نضيفه والخدمه رائعه والاكل نضيف وحلو والبحر حلو والشاطئ كذلك و الجيم كويس جدا والسناكس كمان واقيم هذا الفندق ١٠/١٠
- فندق جميل جدا وكل حاجه فيه حلوه من ناحيه الاكل والخدامات وخصوصا تيم الانيميشن بيعمل عروض جميله جدا ومتنوعه والي هينزل هناك هيتبسط بكل حاجه وانا برشحه بقوه الاجازه جميله هناك والسرفيس علي مستوي عالي والناس كلها متعونه هناك
